Tić

Na pragu od kiše sidin
i cili dan va orih žbaljin.
Edan tičić mi ne da mira,
skače gori, doli i nič po drvu zbira.

Ma kako bin ga rad prijev
i va gajbici ga doma imev, 
ali ne moren ga nikako prijet,
ni doma zet.

Pak si mislin: Ma kaj me jadi?
Va me ne abada, nego si perje gladi.
Ma kaj z repićen vrti?
Pak se šoba kot da ga srbi.

Na edan put skoči, pak se i va me obrne,
a mani je čudno da se doli ne zvrne.

Onda skoči doli
i valje nazad gori.

Zdigne glavicu, otpre kljunić i lipo cvrkuta
i kada prestane, onda s krili plahuta.

A ja si pak mislin ma kaj mi je storit?
Ma da mi je nego do tiga črljenčića prit.

Josip Gržinčić Tomačin (Farančev)