Strašilo

Od slame su te storili
pa i klobuk na glavu dili
sam si morav na njivi stat
tiće i blago  gonit ća.

Mogav si se do edan dan
kad ti je tić na klobuk siv
i obznaniv

On ni živ , ne more nan niš !

I tići su kot eroplani
na te naskakali,
ciliga te raskuštrali,
su slamu pozobali i
veštid ti razdrapali.

Od lipiga strašila
ni ostalo niš
nego nasrid njive
edan osamljeni natič

Ada Šnajdar