Majhani ovtar

Na Vrh Klanca, va živi griži je 
zdubav majhani ovtar, 
edan tuji sovdat 
kimu je ki zna ki biv car.

Je li ga storiv kot zavet Majki Božji 
ako va ratu ostane živ, 
ali samo za spomin 
kada je va Klani biv?

Odonda su tu mnogi sovdati bili, 
a niki su po skrivši Majku Božju molili 
aš drugačije nisu smili.

Pasalo je puno lit, 
na ovtaru se vavik najde poljskih rožic, 
i od dive črišnje cvit.

I očenaši su tu od hrvackiga sovdata,
za zahvalu kaj se je živ vrniv 
i z molitvu da va Hrvacki
ne bi bilo više nigdar rata.

Mario Taučer